Belarus Prezidenti Aleksandr Lukaşenko Azərbaycanın Əməkdar incəsənət xadimi, tanınmış şair və tərcüməçi Çingiz Əlioğlunu (Çingiz Əliyev) Fransisk Skorina medalı ilə mükafatlandırıb.

Kiyevdə Azərbaycan Səfirliyinin dəstəyi ilə Ukraynanın tanınmış “Yaroslaviv Val” nəşriyyatı tərəfindən Azərbaycanın xalq yazıçısı Anarın “Ağ qoç, qara qoç” adı ilə bir sıra əsərləri Ukrayna dilində nəfis şəkildə çap edilib. Kitaba görkəmli qırğız yazıçısı Çingiz Aytmatovun 2005-ci ildə Anarın 60 illiyinə yazdığı “Taleyin müasiri” başlıqlı məqaləsi ön söz kimi verilib. Kitaba görkəmli yazıçımızın “Ağ qoç, qara qoç”, “Dantenin yubileyi” və “Ağ liman” povestləri, “Zəncir”, “Mən, sən, o və telefon”, “Gürcü familiyası” və “Gecənin səhəri” hekayələri, “Saflaşdıran kamança naləsi” essesi, həmçinin yazıçı-publisist Günel Anarqızının “Mükəmməl insan Anar” başlıqlı müsahibəsi daxil olunub.

 

Azərbaycan Dövlət Akademik Milli Dram Teatrında xalq şairi Vaqif Səmədoğlu ilə vida mərasimi başa çatıb.  Mərhumla  vida mərasimində qohumları, tanınmış ictimai-siyasi xadimlər, bir çox yazıçılar, şairlər, aktyorlar iştirak ediblər.

Azərbaycanın xalq şairi, ictimai xadim Vaqif Səmədoğlu vəfat edib.

Yanvarın 16-da paytaxtın Taras Şevçenko Milli Muzeyində “Dünya ədəbiyyatı” jurnalının Ukraynanın qələm ustalarına həsr edilmiş xüsusi buraxılışının təqdimatı keçirilib. Tədbir Azərbaycanın Ukraynadakı səfirliyi tərəfindən təşkil olunub.

Xəbər verdiyimiz kimi, bir gün əvvəl – yanvarın 15-də Ukrayna Xarici İşlər Nazirliyi yanında Diplomatik Akademiyada “Vsesvit” (“Kainat”) jurnalının 90 illiyinə həsr edilmiş tədbir çərçivəsində bu nəşrin müasir Azərbaycan ədəbiyyatına həsr edilmiş xüsusi buraxılışının təqdimatı keçirilib.

Azərbaycan Yazıçılar Birliyinin (AYB) Bədii tərcümə və ədəbi əlaqələr mərkəzinin mətbuat orqanının xüsusi buraxılışına Ukraynanın 30 ədibinin – həm klassik, həm də müasir müəlliflərin əsərləri daxil edilib. 300 səhifəlik jurnalda mətnlər iki blok – nəsr və poeziya üzrə təqdim edilib.

Mərasimi açan muzeyin direktoru, bu nəşrin xüsusi buraxılışının Ukrayna tərəfindən əlaqələndiricisi Dmitri Stus bu iddialı layihələrin - iki dost ölkənin jurnallarının xüsusi buraxılışlarını böyük uğurla həyata keçirən bütün iştirakçılarını təbrik edib.

Azərbaycanın Ukraynada səfiri Eynulla Mədətli çıxışında bildirib ki, xüsusi buraxılışda poeziya blokunun Ukraynalıların mənəvi atası, böyük şair və xalqının azadlıq tərənnümçüsü Taras Şevçenkonun “Vəsiyyət” və “Qafqaz” şeirləri ilə başlaması dərin rəmzi məna daşıyır. Diplomat “Dünya ədəbiyyatı” və “Vsesvit” jurnallarının xüsusi buraxılışlarını Azərbaycan və Ukrayna arasında strateji əməkdaşlığın mühüm tərkib hissəsi olan humanitar sahəyə parlaq töhfə adlandırıb. Diplomatik nümayəndəliyimizin başçısı bu uğurun arxasında duran çox böyük təşkilati və yüksək peşəkarlıq işindən danışaraq, bu pilot layihənin bütün iştirakçılarına təşəkkür edib, yeni yaradıcılıq üfüqləri və uğurlar arzulayıb.

AYB-in Bədii tərcümə və ədəbi əlaqələr mərkəzinin sədri, xüsusi buraxılışın tərəfimizdən əlaqələndiricisi, yazıçı Səlim Babullaoğlu jurnalın xüsusi buraxılışının hazırlanmasında göstərilən təşəbbüsə və dəstəyə görə layihənin bütün iştirakçılarına, o cümlədən Azərbaycanın səfirinə, həmçinin xalq deputatı, Ukrayna Ali Radasının mədəniyyət və mənəviyyat komitəsinin, “Ukrayna-Azərbaycan” parlament dostluq qrupunun üzvü Sergey Tarutaya, “Vsesvit” jurnalının baş redaktoru Dmitri Drozdovskiyə və başqalarına təşəkkürünü bildirib.

“Vsesvit” jurnalının baş redaktoru, Bakı Beynəlxalq Humanitar Forumunun iştirakçısı Dmitri Drozdovski deyib: “Bakıda olarkən Heydər Əliyev Mərkəzinə getdim. Ümummilli lideriniz Heydər Əliyevin Azərbaycanın təbii sərvətini stabillik mənbəyinə çevirdiyinin şahidi oldum. Müdrik dövlət başçısının ənənələri bu gün Prezident İlham Əliyev – dünya səviyyəli siyasətçi tərəfindən uğurla davam və inkişaf etdirilir”.

Ədib həmçinin Azərbaycan səfirliyinin iki ölkə arasında dostluğun möhkəmləndirilməsi, xalqın ən yaxşı mədəni nailiyyətlərinin Ukraynada təbliği üçün çox işlər gördüyünü diqqətə çatdıraraq, bütün bunları məhəbbətlə və keyfiyyətlə etdiyini vurğulayıb.

Sonra Sergey Taruta - yeri gəlmişkən ona həmin gün AYB-yə fəxri üzvlüyünün vəsiqəsi təqdim edilib, - sahibkarlar və xeyriyyəçilər Möhlət Hüseynov və Burzu Əliyev, Ukrayna Millətlər Assambleyasının başçısı Rövşən Tağıyev, Taras Şevçenko adına Kiyev Milli Universitetinin humanitar fakültələr üçün tarix kafedrasının müəllimi Oleq Kupçik, Azərbaycan DİN-in Ukraynada nümayəndəsi, polis polkovniki Şahin Qocayev, Ukrayna art-tənqidçisi, müasir incəsənət kuratoru, “Radio Vesti” radiosunun aparıcısı Konstantin Doroşenko və başqaları çıxışlarında Azərbaycanın bütün sahələrdə, o cümlədən humanitar sahədə inkişafından danışıblar.

Azərbaycanın Əməkdar Artisti Rafiq Həşimovun Mikayıl Müşfiq və Əhməd Cavadın tərcüməsində Böyük Kobzarın “Vəsiyyət” şeirinin səsləndirməsi gur alqışlarla qarşılanıb.

Sonda S.Babullaoğlu ölkəmizin səfirinə AYB-in sədri, xalq yazıçısı Anarın adından Azərbaycan-Ukrayna ədəbi əlaqələrinin inkişafı və dərinləşməsi işinə töhfəsinə görə fəxri fərman təqdim edib.

Zeynal Ağazadə

AzərTAc-ın xüsusi müxbiri

Kiyev

AYB.az AzərTaca istinadən xəbər verir ki,  yannvarın 20-də Azərbaycan Dövlət Gənc Tamaşaçılar Teatrında yazıçı-dramaturq Tamara Vəliyevanın qanlı yanvar faciəsinə həsr olunmuş “Mənim ağ göyərçinim” tamaşası nümayiş etdiriləcək.

Azərbaycan Milli Elmlər Akademiyası (AMEA) Məhəmməd Füzuli adına Əlyazmalar İnstitutunun direktor müavini, filologiya üzrə elmlər doktoru Paşa Kərimov XV-XVI əsrlərdə yaşamış Azərbaycan şairi Sürurinin şeirlər toplusu-Divanının İstanbulun Süleymaniyyə və Manisa şəhər kitabxanalarında saxlanan əlyazmalarının surətlərini əldə edib.

O, qənirsiz gözəl olub, lap “su sonası” kimi. Gəncliyində görənlərin “ağlını başından alıb”, neçə-neçə igidin ürəyinə od salıb, hətta cavan qızlar da ona həsədlə baxıblar. Hələ bu, harasıdır, özü də sonralar öz gözəlliyindən heyrətə gəlib. Etirafına baxın: “Şəkillərimə baxanda deyirəm ki, İlahi, bu qızdakı nə gözəllik olub belə?” Elə ahıl çağında da yaş öz işini görsə də, zaman gözəlliyini soldursa da, bu gözəlliyin izi ilişib qalmışdı o gül çöhrəsində, tərk etməmişdi sahibini, cizgiləri açıq-aydın görünürdü. İndi də payız Günəşinə bənzəyirdi, görənlər yenə də heyran olurdu: “Ay aman, bu, cavanlıqda gör necə gözəl olub ey...”

Rusiya və Azərbaycan yazıçıları və jurnalistləri birliklərinin, Azərbaycan Kinematoqrafçılar İttifaqının üzvü, “Bakılı” Beynəlxalq Mədəniyyət Cəmiyyətinin “Humay” mükafatının, A.Bakıxanov adına mükafatın, “Qızıl qələm” mükafatının laureatı, 30-dan çox kitabın, o cümlədən pyes, kinossenarisi və nəşr əsərlərinin müəllifi, professor, filologiya üzrə elmər namizədi Həsən Quliyev dekabr ayının 24-də vəfat edib.