 |
  |
Yazıçı Kamal Abdulla 65 illik yubileyi ərəfəsində ölkənin ən önəmli mükafatlarından biri - "Şöhrət" ordeni ilə təldif edilib. AYB.az xəbər verir ki, təltiflə bağlı Azərbaycan Respublikası Prezidenti cənab İlham ƏIliyev tərəfindən sərəncam imzalanıb. "K.M. Abdullayevin “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı
Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:
Azərbaycan Respublikasında təhsil sahəsində səmərəli fəaliyyətinə görə Kamal Mehdi oğlu Abdullayev “Şöhrət” ordeni ilə təltif edilsin.
İlham Əliyev
Azərbaycan Respublikasının Prezidenti
Bakı şəhəri, 3 dekabr 2015-ci il"
Xatırladaq ki, dekabr ayının 4-də Kamal Abdullanın 65 yaşı tamam olur.
AYB.az